Հարավային ԴակոտայիՆերկայացուցիչների պալատը մերժել է պատմական փաստերը խեղաթյուրող հակահայկական բանաձևը, որ ներկայացրել էին Ադրբեջանի լոբբիստները: PanARMENIAN.Net-ը հղում անելով Ամերիկայի Արևմտյան ափի Հայ դատի հանձնախմբին հայտնում է՝ (ANCA-WR), բուռն քննարկումներից հետո բանաձևի հեղինակներից մեկը՝ Լենս Ռասսելը հետաձգել է քվեարկությունը, իսկ հետո պաշտոնապես հանել այն քննարկումից:
«Շատ ափսոս, որ այդ բանաձևը հայտնվեց մեր Պալատում, սակայն դրական կողմն այն է, որ կա 105 օրենսդիր, որոնք իրական պատկերացում ստացան քրիստոնյա հայերի աղետալի վիճակի մասին»,- հայտարարել է նահանգի Ներկայացուցիչների պալատի անդամ Սթիվ Հիքքին:
«Խորապես բավարարված ենք այն հանգամանքով, որ ԱՄՆ ևս մեկ նահանգի ընտրյալ առաջնորդները դիմակայեցին նավթով հարուստ ու կոռումպացված նախագահին:Ադրբեջանական կողմի ջանքերը, որոնք միտված էին հայատյացության արտահանմանը ԱՄՆ նահանգների խորքերը, ձախողվեցին: Մեր խորին երախտագիտությունն ենք հայտնում ժողովրդի և Հարավային Դակոտայի սկզբունքային առաջնորդների հետ միասին, որոնք իրենց կարեկցանքն են հայտնում հայ ժողովրդին Հայոց ցեղասպանության ժամանակներից ի վեր»,- ասել է ANCA-WR գործադիր տնօրեն Էլեն Ասատրյանը:
HCR 1020 բանաձևի քվեարկությանը նախորդող օրերին ANCA-WR աշխատել է տեղական համայնքների ու ակտիվիստների հետ, օրենսդիրներին Խոջալուի հարցն օգտագործելու Ադրբեջանի ջանքերի մասին զգուշացնելու ու Հարավային Դակոտայի աջակցությունը ստանալու համար, ինչպես նաև թույլ չտալու, որ Հայաստանը դեպի ծով ելք ստանաու դուրս գա շրջափակումից:
Մանրամասները՝ PanARMENIAN.Net-ում
