Վրաստանի ՆԳՆ-ն հայտնել է, որ երկիրը Սև ծովում ՆԱՏՕ-ի հետ համատեղ զորավարժություններ է անցկացրել, հաղորդում է ՏԱՍՍ-ը։
Նշվում է, որ զորավարժություններին ռազմական դաշինքի 4 նավ է մասնակցել, ինչպես նաև Վրաստանի ՆԳՆ-ի առափնյա ծառայության 2 նավ։
Զորավարժությունների նպատակը ռազմածովային ուժերի «համատեղելիության և փոխգործակցության մակարդակը» բարելավելն է։
Հստակեցվել է, որ ՆԱՏՕ-ի նավերը Վրաստան են ժամանել ապրիլի 1-ին, սակայն արդեն լքել են երկրի ջրային տարածքը։
