Մեծ Բրիտանիայի խորհրդարանը նիստը դադարեցրել է տանիքի կաթոցի պատճառով

Մեծ Բրիտանիայի խորհրդարանի ստորին պալատում լսումները նախատեսվածից շուտ են ավարտվել՝ շենքի տանիքի կաթոցի պատճառով, հայտնում է Sky News հեռուստաալիքը:

Նշվում է, որ Համայնքների պալատի փոխխոսնակ Լինդսի Հոյլը ժամանակավորապես դադարեցրել է նիստը, երբ ջրի խշշոցը սկսել է խանգարել խորհրդարանականներին, որոնք քննարկում էին բանկային վարկի մարման հետ կապված հարցը:

Որոշ ժամանակ անց ընդհանրապես որոշվել է նիստը վաղաժամ դադարեցնել:

Ըստ հեռուստաալիքի, բրիտանացի պատգամավորները կկարողանան խորհրդարանի շենք վերադառնալ ապրիլի 8-ի կեսօրից ոչ շուտ:

Here's the moment the House of Commons was suspended due to a leak pic.twitter.com/8Wpk1UmsuF

— Greg Heffer (@GregHeffer) April 4, 2019