Այժմ օգտատերերը կարող են վստահել արհեստական բանականությանը՝ միմյանց հետ նամակների միջոցով շփվելու հարցում:
Google ընկերությունը ներկայացրել է տեքստի խելացի մուտքագրման նորացված գործառույթը, հաղորդում է The Verge-ն:
Ծրագրավորողների խոսքերով, նրանք խոստանում են օգտատերերին ազատել ավելորդ նշանների մուտքագրման անհրաժեշտությունից: Թարմացումը Gmail ծառայությանն ավելացրել է տեքստի խելացի մուտքագրման Smart Compose Gmail գործառույթը:
Նշվում է, որ նոր գործառույթը կհամապատասխանի օգտատիրոջ գրելաոճին: Արհեստական բանականությունը արտահայտություններ կհիշի և դրանք կվերարտադրի նոր նամակների ստեղծման ժամանակ:
Ավելի վաղ հայտնի է դարձել, որ Gmail-ում երկար սպասված գործառույթ է հայտնվել: Օգտատերերը կարող են էլեկտրոնային նամակներ ուղարկել առաջարկվող ժամանակահատվածներից մեկում կամ նշել ճշգրիտ ժամանակը և ամսաթիվը: