«2016 թվականի մարտական գործողությունների մեկնարկն, ըստ էության, տրվել է 2011 թվականին Կազանում, երբ փաստացի ընդհանուր սկզբունքների շուրջ վերջին տարիներին բանակցված փաստաթուղթը տապալվեց»,-«Առաջին լրատվական»-ի հետ զրույցում խոսելով ապրիլյան քառօրյա պատերազմի պատճառների մասին ասաց Արցախի նախագահ Բակո Սահակյանի անվտանգության հարցերով խորհրդական Տիգրան Աբրահամյանը։
Մեր զրուցակիցը մանրամասնեց.«Ադրբեջանական կողմը հանդես էր եկել 10-ից ավել առաջարկություններով, որով ըստ էության խախտելով նախկինում համանախագահների հետ ձեռք բերած պայմանավորվածությունը՝ բանակցությունները տապալեց։ 2011-2016 թվականների ժամանակահատվածում, ըստ էության, բանակցային գործընթաց չկար, որոշակի պարբերականությամբ կային հանդիպումներ արտգործնախարարի, նախագահների մակարդակով»։
Տիգրան Աբրահամյանն ընդգծեց.«Դա ժամանակահատված էր, երբ Ադրբեջանը մեծ թվով գումարներ ներդրեց սպառազինություններ փեռք բերելու, լոբբիստական աշխատանքների, քարոզչական դաշտում աշխատանք տանելու վրա»։
Հարցազրույցն ամբողջությամբ՝ տեսանյութում