ԱԱԾ քննչական դեպարտամենտում ՀՀ քր օր-ի 182 հոդվածի 3-րդ մասի 2-րդ կետի հատկանիշներով հարուցվել է քրեական գործ Արարատի մարզի Նորաշեն գյուղի դպրոցի պահակ, 55-ամյա Երեմ Գալստյանի նկատմամբ։ Այդ մասին հայտնում է Shamshyan.com-ը։
Այս տարվա փետրվարին Ե. Գալստյանը նամակով փորձել է համագյուղացի 42-ամյա Վաղինակ Ղազարյանից շորթել 50 հազար դոլար: Նամակում գրել է, որ այդ գումարը թողնի իր մատնանշած վայրում, հակառակ դեպքում՝ սպառնացել է առևանգել նրա երեխաներին, ապա պայթեցնել նրա տունը:
ԱԱԾ ծառայողները հայտնաբերել են Ե. Գալստյանին․ նա ձերբակալվել է։
Ըստ աղբյուրի՝ Վ. Ղազարյանը «ԱՎԱ-ԵՎԱ» ՍՊԸ-ի տնօրենն է, ունի մի քանի բեռնատար եւ միրգ է արտահանում:
