Այսօր՝ մարտի 27-ին, Ազգային ժողովը շարունակում է իր աշխատանքները: Այժմ քննարկվում է Կառավարության ծրագրի կատարման ընթացքի և արդյունքների մասին զեկույցը:
«Լուսավոր Հայաստան» խմբակցության պատգամավոր Գևորգ Գորգիսյանը վարչապետին տեղեկացրեց, որ ԱԺ-ի դիմաց բողոքի ակցիա են անում գրավատների և արտարժույթի փոխանակման կետերի ներկայացուցիչները. «Լավ կլիներ, որ հաջորդ ընդմիջմանը դուք մոտենայիք նրանց. ես ուղղակի փոխանցում եմ նրանց ուղերձը»:
Ի պատասխան՝ վարչապետն ասաց. «Ես չեմ կարծում, որ քաղաքացիների հետ շփվելու միջնորդության կարիք ունեմ: Քաղաքացիները սխալ հասցեով են դիմել, որ ինձ հանդիպելու համար ձեզ են դիմել»:
Այնուհետև պատգամավորն ասաց. «Մեզ ներկայացրած զեկույցում ձեր մեջբերած թվերը չկային, և մենք հնարավորություն չենք ունեցել դրանք ստուգելու՝ հասկանալու, թե որքանով են դրանք ճիշտ»:
Գորգիսյանը նաև հետաքրքրվեց արտահանման ծավալներով, և նաև՝ թե ունե՞նք արդյոք Հայաստանը լքած և վերադարձած հայերի թիվ. «Ինչ-որ փուլում Հնդկաստանից, Պակիստանից ներգաղթածների մինչև 30 հազար թիվ էր շրջանառվում»:
Մանրամասները՝ տեսանյութում:
