Ես վստահ եմ, որ Ադրբեջան-ԵՄ հնարավոր ստորագրվելիք համաձայնագրում որևէ ռիսկային գնհատական Արցախի հակամարտության մասով չի լինելու: Այս մասին «Առաջին լրատվական»-ի հետ զրույցում նշեց ԲՀԿ խմբակցության պատգամավոր Նաիրա Զոհրաբյանը:
Նրա խոսքով, լինելու է ԵՄ-ի կողմից մշտական, շատ սոլիդ որոշումը, որ իրենք սատարում են ԵԱՀԿ Մինսկի խմբի գործընթացներին. «Այլ հարց է, որ մեր դիվանագիտական կորպուսը, խորհրդարանական պատվիրկությունները միջազգային կառույցներում Եվրոպական խորհրդարանի մեր գործընկերների հետ կապի մեջ ենք, և փորձենք մեր կապերով հավելյալ տեղեկություն ստանալ՝ կլինի փոփոխություն համաձայնագրում թե ոչ: Բայց որ վերջնական տեքստում անպայմանորեն պահպանվելու է անդրադարձը Ադրբեջանում կոռուպցիայի բարձր մակարդակի, Ադրբեջանում քաղաքական հայացքներով դատապարտվածնմերի, խոսքի ազատության, ընդհանրապես բազմակարծության հանդեպ ոտնձգությունների, ես ձեզ վստահեցնում եմ, որ այդ բոլոր դրույթները արտացոլված են լինելու համաձայնագրի վերջնական տեքստում»,-ընդգծեց Նաիրա Զոհրաբյանը:
