Ես առնվազն մեկ ամիս առաջ նամակ եմ հղել և ֆինանսների նախարարին, և ՊԵԿ նախագահին, թե երբ պետք է Հարկային օրենսգրքի նախագիծը գա խորհրդարան, մինչև հիմա պատասխան չեմ ստացել: Այս մասին «Առաջին լրատվական»-ի հետ զրույցում նշեց ԲՀԿ խմբակցության պատգամավոր Միքայել Մելքումյանը՝ հավելելով, որ երևի չունեն պատասխան, թե չէ անպայման կպատասխանեին:
«Այո, ներդրումային միջավայրի և ներդրումների ներգրավման համար, կլինեն դրանք փոքր, միջին, թե մեծ, շատ կարևոր է, խաղի կանոնները հարկային օրենսգրքով սահմանվեն: Ինչքան մենք ձգձգենք, ինչքան էդ պոլեմիկան որ համապատասխան համարժեք մասնագիտական մակարդակով, ինչքան դա տարբեր խմբերի շահերը հաշվի չառնեն, այնքան մենք խնդիրներ կունենանք: Բայց նույնիսկ եթե կառավարությունն ուզում է վիրահատական որոշակի միջոցառումներ իրականացնել, դրա մասին պարզ պետք է արտահայտվի»,-ասաց Մելքումյանը:
Նա ընդգծեց, որ այդ նախագծում ինքը լուրջ արմատական փոփոխություններ չի նկատում. «Քաղաքական դեմքերից մեկն էլ ասել է, որ դեռևս հաջորդ փուլը պետք է լինի, որով պետք է սահմանվել ավելի արմատական փոփոխություններ: Սա լավ չի ներդրումային վիջավայրի համար»,-ընդգծեց Մելքումյանը:
