Ամերիկացի երգչուհի և դերասանուհի Բարբարա Սթրեյզանդն առաջին անգամ մեկնաբանեց Մայքլ Ջեքսոնի դեմ նոր մեղադրանքները, որոնք հնչեցին «Լքելով Նեվերլանդը» ֆիլմում: Վավերագրական ֆիլմում երկու մեծահասակ տղամարդ պատմում են, թե ինչպես է պոպ-կուռքը պղծել նրանց 7-14 տարեկանում:
«Նրա սեռական հակումները մանկուց են գալիս կամ արդեն տեղադրված էին ԴՆԹ-ում: Դուք ասում եք, որ նա «մղեց» երեխաներին, բայց այդ երեխաները, ինչպես լսեցիք ֆիլմից, ուրախ էին նրա հետ լինել: Այժմ երկուսն էլ ամուսնացած են և երեխաներ ունեն, ուստի այն, ինչ տեղի է ունեցել, չի սպանել նրանց»,- The Times-ին տված հարցազրույցում ասել է երգչուհին:
Սթրեյզանդն ընդունում է, որ «Լքելով Նեվերլանդը» ֆիլմում նկարագրված իրադարձությունները իսկապես տեղի են ունեցել: Միևնույն ժամանակ, նրա կարծիքով, միջադեպի մեղավորը ավելի շատ տղաների ծնողներն են, քան Ջեքսոնը:
