Այսօրվանից Հայաստանը հանդիսանում է միջազգային ոստիկանական ասոցիացիայի անդամ, այս մասին այսօր լրագրողների հետ հադիպման ժամանակ ասաց միջազգային ոստիկանական ասոցիացիայի նախագահ Մայքլ Ադիսեուսը:
Վերջինս նշեց, որ Հայաստանում ձևավորվել է միջազգային ոստիկանական ասոցիացիայի մասնաճյուղ, որը գլխավորում է 7 հոգանոց խորհուրդը: Խորհրդի նախագահն է Գրիշա Սարգսյանը («Ժարիտ Գրիշ»): Վերջինս իր խոսքում նշեց, որ ասոցիացիային անդամակցում են 62 երկրներ, որոնցից միայն 12-ի հետ կան դիվանագիտական հարաբերություններ: Սա նշանակում է, որ այսուհետ, ըստ Գ.Սարգսյանի, Հայաստանը կկարողանա պաշտպանել, օգնել իր այն քաղաքացիներին ոտնձգություններից, որոնք կգտնվեն Հայաստանի հետ դիվանագիտական հարաբերություններ չունեցող այդ 50 երկրներում:
