Ֆրանսիայի Հավր քաղաքի քաղաքապետ Լյուկ Լեմոնյեն պաշտոնաթող է եղել՝ իր լուսանկարների շուրջ սկանդալի հետ կապված, որոնցում նա մերկ է եղել, հաղորդում է Le Figaro-ն։
Նշվում է, որ 50-ամյա Լեմոնյեի «թեժ» լուսանկարներն ուղարկել են քաղաքապետարանի աշխատակիցներին, ինչպես նաև վարչապետ Էդուար Ֆիլիպին, որը նախկինում զբաղեցրել է Հավրի քաղաքապետի պաշտոնը։
Շաբաթվա սկզբին France Bleu Normandie ռադիոյի եթերում կինը, ով հրաժարվել է նշել անունը, ասել է, որ ուղարկել է սկանդալային լուսանկարները։ Նրա խոսքով՝ Լեմոնյեն ցանկացել է գայթակղել իրեն՝ մերկ լուսանկարներ ուղարկելով։
Պաշտոնյան կտրականապես հերքել է կնոջ խոսքը։
«Ես որոշել եմ հրաժարական տալ։ Երկարատև մտորումներից հետո կայացված այդ որոշումը բացատրվում է իմ ընտանիքին և մտերիմներին պաշտպանելու անհրաժեշտությամբ»,-հայտարարել է քաղաքապետը, որը 4 երեխաների հայր է։
