Գրավատների գործունեության համար 100 հազար դրամի փոխարեն հարկերը 6 մլն դարձնելն աբսուրդ է, այսօր Ազգային ժողովի Տնտեսական հարցերի հանձնաժողովում կազմակերպված քննարկման ժամանակ ասաց Արարատի մարզում գործունեություն իրականացնող գրավատներից մեկի ներկայացուցիչ-իրավաբան Աշոտ Մխեյանը։
Նշենք, որ «Պետական տուրքի» մասին օրենքում կատարված և կառավարության կողմից ընդունված փոփոխություններով պետտուրքը գրավատների համար բարձրացվում է 100 000 դրամից մինչև 6 մլն դրամ, իսկ բանկերի համար 3 միլիոնից 7 միլիոն դրամ է դառնում, այսինքն` 60 անգամ ավելանում է գրավատների պետտուրքը։
