Ղազախստանի խորհրդարանի Սենատի նախկին նախագահ Քասըմ-Ժոմարտ Տոկաևը մարտի 20-ին ստանձնել Է հանրապետության նախագահի պաշտոնը:
Խորհրդարանի պալատների` մարտի 20-ին կայացած համատեղ նիստում Տոկաևը նախագահի երդում Է տվել երկրի ժողովրդին: «Հանդիսավոր կերպով երդվում եմ հավատարմորեն ծառայել Ղազախստանի ժողովրդին»,- ասել Է Տոկաևը: Նա Ղազախստանի նախագահ Է դարձել ընտրված նախագահի լիազորությունների մնացած ժամանակահատվածում, որը լրանում Է 2020 թվականի ապրիլին:
Մարտի 19-ին ազգի առաջնորդ Նուրսուլթան Նազարբաևը, որը երկիրը ղեկավարել Է գրեթե 30 տարի, հայտարարել Է, որ մարտի 20-ից վայր Է դնում Ղազախստանի նախագահի իր լիազորությունները:
Սահմանադրության համաձայն՝ հանրապետության նախագահի լիազորություններն ընտրված նախագահի պաշտոնաթողության դեպքում Սենատի նախագահին են անցնում Ղազախստանի ժողովրդին նրա երդում տալու պահից, հաղորդել Է «Ինտերֆաքս» գործակալությունը: