Վենեսուելայի նախագահ Նիկոլաս Մադուրոն իր նախարարներից պահանջել է պաշտոնաթող լինել։ Այս մասին Twitter-ի իր էջում գրել է Վենեսուելայի փոխնախագահ Դելսի Ռոդրիգեսը։
Խոսքը նախարարների կաբինետի լիակատար «վերակառուցման» մասին է՝ «Բոլիվարի և Չավեսի հայրենիքի պաշտպանության համար», գրել է Ռոդրիգեսը։
Մադուրոն այս կապակցությամբ պաշտոնական մեկնաբանությամբ հանդես չի եկել։
Կառավարությունում փոփոխությունները Մադուրոն կիրականացնի երկրում քաղաքական ճգնաժամի և փաստացի երկիշխանության ֆոնին։