«Ոչ թե քննադատություններ են հնչում և այդ քննադատություններին կառավարությունը տեղի է տալիս, խնդիրը հետևյալն է՝ նախագիծը դրվել է շրջանառության մեջ, դրվել է հասարակական քննարկման։ Նախկինում հասարակական քննարկում կոչվածը ձևական բնույթ է կրել դրվել է, վերևից որոշվել է, որ այդպես պետք է լինի, եկել է ԱԺ, ո՛չ բիզնեսին, ո՛չ ՀԿ-ներն են լսել, քվեարկել են, գնացել առաջ։ Հիմա քաղաքացիներին լսում ենք, իրական հասարակական քննարկում ենք կազմակերպել, եղել են բազմաթիվ դեմ և կողմ կարծիքներ և հիմա դրանք հաշվառելու փուլում են»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Գևորգ Պապոյանը՝ անդրադառնալով հարցին, թե ինչու է ուշանում Հարկային օրենսգրքի փաթեթը, ինչու է այն ամեն օր փոփոխությունների ենթարկվում։
Հարկային օրենսգիրքը, նրա խոսքով, տնտեսության ամենակարևոր փաստաթուղթն է, և նման օրենսգրքի ընդունումը, այո, լայն հասարակական, մասնագիտական քննարկման արդյունքում պետք է ընդունվի։
«Կառավարոթյունը կլսի ոչ միայն «Իմ քայլը» դաշինքի տնտեսագետ պատգամավորներին, այլ նաև կառավարության ներսում էլ կա առողջ քննարկում, արդեն իսկ որոշ նախադեպեր կան, կլինեն լավագույն լուծումներ»,-վստահեցրեց Պապոյանը։
