Եթե նկատվում են թերություններ, բացեր, բնականաբար, դա քննարկման է դրվում: Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Արեն Մկրտչյանը՝ անդրադառնալով հարցին, թե արդյոք կառավարության կառուցվածքի փոփոխության նախագծի հարցում կա՞ տարաձայնություն կառավարության և «Իմ քայլը» խմբակցության միջև:
«Մենք բաց ենք քննարկել կառավարությունից եկած ցանկացած նախագիծ, էդտեղ որևէ խնդիր չեմ տեսնում: Երբ կառավարության կառուցվածքի նախագիծը գա, ու եթե տեսնենք բացեր, բնականաբար, քննարկման սեղանի շուրջ կդնենք»,- ասաց նա:
Ինչ վերաբերում է Հարկային օրենսգրքի փոփոխությունների նախագծի շուրջ առկա տարաձայնություններին, նա ընդգծեց. «Ես շատ նորմալ եմ վերաբերվում, երբ դրվում է քննարկման: Քննարկումները հենց կոչված են նրան, որ կարողանանք սրբագրումներ կատարել և լավագույն որոշումը ընդունել»:
