Կինը կորցրել է մազերը, հոնքերն ու թարթիչները:
Virgin Atlantic-ի 37-ամյա բորտուղեկցորդուհի Ռիմա Թեյսենը ամբողջովին զրկվել է մարմնի վրայի մազերից, երկու երեխաների ծննդից հետո:
The Sun-ի տվյալներով, բրիտանուհին սկսել է ճաղատանալ որդու, իսկ հետո ավելի ուժեղ, դստեր ծննդից հետո: Արդյունքում, 2018-ի օգոստոսին Ռիման զրկվել է մազածածկույթից և նրա մոտ ալոպեցիա՝ մազաթափության ծայրահեղ տեսակ է ախտորոշվել:
Կինը նշել է, որ սկզբում բժիշկներն ասել են, որ մազաթափությունը նորմալ հետծննդաբերական երևույթ է, բայց շուտով նրա սև մազերը սկսել են թափվել փնջերով: Արդյունքում, կինը սափրել է դրանց մնացորդները:
«Ինքս ինձ ճաղատ տեսնելն առաջին պահին շոկային էր. ես այլևս նման չէի ինձ»,- ասել է Թեյսենը:
Որոշ ժամանակ անց Թեյսենը կորցրել է նաև հոնքերն ու թարթիչները: Նա հոնքերը վերականգնել է տատուի միջոցով և սկսել է արհեստական թարթիչներ կրել:
Շնորհիվ հարազատների և ընկերների, ինչպես նաև գործընկերների ուժեղ աջակցության, կինը կարողացել է հարմարվել իր նոր տեսքին: Այնուամենայնիվ, նրան երբեմն հարցնում են «արդյո՞ք քիմիաթերապիայի կուրս է անցնում»:
«Ես պարզապես ժպտում եմ ու ասում. «ոչ»,- նշել է Ռիման:
