Ամերիկացի երաժիշտ և պրոդյուսեր Ռոբերտ Սիլվեսթեր Քելլին, որն ավելի շատ հայտնի է Ար Քելլի անունով, ազատ է արձակվել Չիկագոյի բանտից: Այս մասին գրում է The Guardian-ը:
Քուք շրջանի ոստիկանապետի խոսնակ Սոֆիա Անսարին հայտարարել է, որ անհայտ անձը 161,000 ԱՄՆ դոլարի չափ ալիմենտ է վճարել երգչի նախկին կնոջը։ Վճարողի ինքնությունը հայտնի չէ։
Ար Քելլին ձերբակալվել էր մարտի 7-ին՝ դատարանի որոշմամբ. երաժշտին պարտադրել էին վճարել ավելի քան 161 հազար դոլար ուշացրած ալիմենտ:
Ավելի վաղ Իլինոիսի Քուք շրջանի քաղաքային դատարանը Քելլիին մեղադրեց սեռական բռնության 10 դեպքի առթիվ: Քելլին իրեն մեղավոր չի ճանաչել։
