Ադրբեջանական Salam News գործակալության փոխանցմամբ՝ Աթենքում կայացել է Սոցիալիստական ինտեռնացիոնալի խորհրդի հերթական նիստը։ Դրան մասնակցել է նաև թուրքական ընդդիմության առաջնորդ, «Ժողովրդա-հանրապետական» կուսակցության (ԺՀԿ) նախագահ Քեմալ Քըլըչդարօղլուն:
Նիստի ընթացքում տեղի է ունեցել Քըլըչդարօղլուի և Իրաքի նախագահ Ջալալ Թալաբանիի հանդիպումը։ Վերջինս Քըլըչդարօղլուին շնորհավորել է, իր իսկ կարծիքով, հունիսի 12-ի ընտրություններում հաջողության հասնելու համար։
Թալաբանին Քըլըչդարօղլուին հրավիրել է Իրաք՝ ընդգծելով, որ Թուրքիան օրինակելի երկիր է ողջ իսլամական աշխարհի համար։
Հիշեցնենք, որ հունիսի 12-ին Թուրքիայում կայացած խորհրդարանական ընտրությունների ժամանակ ԺՀԿ-ն հավաքել է 11,122,420 քվե (25.98 տոկոս)՝ 550 հոգանոց Մեջլիսում ստանալով 135 մանդատ։
