Ամերիկացի դերասանուհի Վուպի Գոլդբերգը մահվան եզրին է հայտնվել թոքաբորբի ծանր տեսակի հետևանքով, գրում է The Hollywood Reporter-ը:
Ինչպես նշվել է, նա մեկ ամսվա ընթացքում հասարակական վայրերում չի հայտնվել, որից հետո հարցազրույց է տվել ABC-ին:
«Ես կարողանում եմ վեր կենալ և քայլել: Ոչ այնքան արագ, ինչպես կցանկանայի, բայց ինձ լավ եմ զգում»,- ասել է Գոլդբերգը:
Նա բացատրել է, որ երկու թոքը ախտահարվել էր հիվանդության հետևանքով:
«Եվ այո, ես շատ, շատ մոտ էի Երկիրը լքելուն»,- ասել է Գոլդբերգը:
Դրանից հետո դերասանուհին շնորհակալություն է հայտնել բոլոր նրանց, ովքեր աջակցել են իրեն:
