Վրաստանի նախկին վարչապետ Իրակլի Ղարիբաշվիլին վերադառնում է կառավարող «Վրացական երազանք-դեմոկրատական Վրաստան» կուսակցություն, որտեղ կզբաղեցնի քաղաքական քարտուղարի պաշտոնը: Այդ մասին հայտարարել Է կուսակցության գլխավոր քարտուղար, Թբիլիսիի քաղաքագլուխ Կախա Կալաձեն:
«Քաղաքական քարտուղարի կարգավիճակում Իրակլի Ղարիբաշվիլին կարևոր ավանդ կներդնի կուսակցության հետագա ուժեղացման գործում»,-ասել է Կալաձեն:
Այդ մասին հայտարարությունն արվել է «Վրացական երազանքի»՝ կենտրոնական գրասենյակում կուսակցության քաղխորհրդի նիստից հետո, որին ներկա է գտնվել Ղարիբաշվիլին: «Վրացական երազանք» Ղարիբաշվիլիի վերադարձը տեղի է ունեցել այն բանից հետո, երբ կուսակցությունում ճգնաժամ սկսվեց:
Վերջին ժամանակներս «Վրացական երազանքից» դուրս է եկել յոթ պատգամավոր, ինչի արդյունքում կառավարող կուսակցությունը խորհրդարանում զրկվել է սահմանադրական մեծամասնությունից: Առանձին քաղաքական խաղ են որոշել սկսել Էկա Բեսելիան, Գեդևան Փոփխաձեն, Լևան Գոգիչայիշվիլին, Բեկա Նացվլիշվիլին, Զվիադ Կվաչանթիրաձեն, Գիա Ժորժոլիանին և Միրիան Ցիկլաուրին, հաղորդել է Sputnik-ը:
