Ափիոնից կախվածության մեջ հայտնված թութակները Հնդկաստանի Մադհյա-Պրադեշ նահանգում պարբերաբար հարձակումներ են գործում կակաչի պլանտացիաների վրա, հաղորդում է India Today-ը:
Ֆերմերները հայտարարել են, որ թութակների խոշոր երամներն օրվա ընթացքում 30-40 անգամ գալիս են կակաչ ուտելու: Ոմանք նույնիսկ բույսեր են վերցնում իրենց հետ: Բացի այդ, թռչունները երբեմն սպասում են մինչև ֆերմերները կտրեն կակաչների վարսանդները, որպեսզի դրանք ավելի արագ հասունանան:
Հարբած թռչունները բախվում են ծառերին և զիգզագներով թռչում մինչև թմրանյութի ազդեցության ավարտը, որից հետո վերադառնում են պլանտացիա «վերալիցքավորվելու» համար: Բերքի պահպանության համար ֆերմերները ստիպված են լինում շուրջօյա հսկել իրենց դաշտերը:
