Իսլամաբադը պատրաստ է Մոսկվայի միջնորդությամբ բանակցություններ սկսել Նյու Դելիի հետ։ Այս մասին հայտարարել է Պակիստանի ԱԳ նախարար Շահ Մեհմուդ Կուրեշին, գրում է Dawn պարբերականը։
«Սերգեյ Լավրովը միջնորդություն է առաջարկել։ Չգիտեմ՝ ինչ է մտածում Հնդկաստանը, բայց Ռուսաստանին ցանկանում եմ ասել, որ Պակիստանը պատրաստ է բանակցությունների սեղանի շուրջ նստել՝ լարվածությունը մեղմելու համար»,-գրում է պարբերականը։
ՌԴ ԱԳ նախարարը նախօրեին հայտարարել է, որ Մոսկվան Հնդկաստանին և Պակիստանին բանակցությունների հարթակ կարող է տրամադրել, եթե կողմերը դա ցանկանան։
Չորեքշաբթի Պակիստանի բանակը հայտարարել է, որ երկու հնդկական ռազմական ուղղաթիռ է խոցել։
