Երեկ Մակեդոնիայի հյուսիս-արևմուտքում՝ Տետովո քաղաքում, տեղի է ունեցել պայթյուն, ինչի հետևանքով 5 երեխաներ ստացել են տարբեր աստիճանի մարմնական վնասվածքներ: Այս մասին հայտնում է Associated Press-ը:
Երկու 14-ամյա աղջիկներ պայթյունի հետևանքով ստացել են վերջույթների ու կրծքավանդակի վնասվածքներ և տեղափոխվել են Սկոպյե քաղաքի հիվանդանոց, որտեղ կատարվել են վիրահատություններ:
Ներկայում, ըստ տեղի իշխանությունների, նրանց վիճակը գնահատվում է կայուն: Եվս 3 անչափահասներ տեղափոխվել են Տետովոյի բժշկական հաստատություններ, որտեղ օգնություն ստանալուց հետո դուրս են գրվել հիվանդանոցից:
Պայթյունի պատճառը առայժմ հայտնի չէ: