ԱՄՆ Կոնգրեսի գրադարանը այսօր հայտարարում է բաց դռների օր՝ բոլոր ցանկացողներին հնարավորություն տալով հասանելի լինել իր ազդեցիկ գլխավոր ընթերցասրահին: ԱՄՆ գլխավոր գրապահոցի կազմակերպած ակցիայի առիթը համազգային տոնն է՝ Նախագահների օրը, որը նշվում է ամեն տարի փետրվարի երրորդ երկուշաբթին՝ հայտնում է ITAR-TASS-ը:
Գրադարանի անձնակազմը այցելուներին կպատմի դրա աշխատանքի մասին, այն մասին, թե ինչպես կարելի է օգտվել գրադարանի ծառայություններից:
Բացի այդ՝ գրադարանի այն հատվածում, որը կրում է Թոմաս Ջեֆերսոնի անունը, կազմակերպվել է հատուկ ցուցադրություն, որում կներկայացվեն պատմական փաստաթղթեր գրադարանի հավաքածուից:
ԱՄՆ Կոնգրեսի գրադարանը խոշորագույնն է աշխարհում: Այն հիմնվել է 1800 թվականին: Գրադարանի ֆոնդերում կա ավելի քան 36 մլն գիրք, ինչպես նաև 121 մլն աշխարհագրական քարտեզներ, ձեռագրեր, լուսանկարներ, ֆիլմեր, աուդիո-տեսաձայնագրություններ ու նկարներ:
Գրադարանում աշխատում է գրեթե 3200 մարդ: Ամեն տարի այն ընդունում է ավելի քան 1.6 մլն մարդու:
