«Այս պահին մեր կուսակցությունում նման օրակարգ չկա, նման քննարկում մինչ այս պահը չի եղել ո՛չ միայն ՀԱԿ-ի, այլ նաև որևէ կուսակցության միավորվելու հետ կապված»։ Այս մասին «Առաջին լրատվական»-ի հետ զրույցում ասաց ՔՊ կուսակցության անդամ, ԱԺ «Իմ քայլը» խմբակցության պատգամավոր Սիսակ Գաբրիելյանը՝ անդրադառնալով «Ժամանակ» թերթի հրապարակմանը, ըստ որի՝ ՀԱԿ-ը կդադարի որպես ինքնուրույն միավոր գոյություն ունենալուց և կմիավորվի ՔՊ-ի հետ։
Արդյոք խորհրդարանական մյուս ուժերը կիմանա՞ն մարտի մեկի երթին, պատգամավորը նշեց․«Եթե մեր կողմից լիներ պաշտոնական առաջարկ խորհրդարանական և արտախորհրդարանական ուժերին, ես կարող էի գնահատական տալ՝ արդյոք կա նրանց կողմից պասիվություն, բայց քանի որ ՔՊ-ն պաշտոնական առաջարկ որևէ կուսակցության չի հղել, բնականաբար, նրանց կողմից էլ չէին կարող լինել պաշտոնական առարկություններ կամ անհամաձայնություն»,-ասաց Սիսակ Գաբրիելյանը։
