Հյուսիսային Կորեայի առաջնորդ Կիմ Չեն Ընի թարգմանիչը հանրաճանաչություն է ձեռք բերել Վիետնամի Դոնգ Դանգ կայարանում վազքի շնորհիվ, որտեղից երկրի ղեկավարը մայրաքաղաք Հանոյ է ուղևորվել՝ ԱՄՆ նախագահ Դոնալդ Թրամփի հետ հանդիպման համար։ Թարգմանիչը փորձում էր դուրս գալ գնացքից, այնինչ Կիմ Չեն Ընն արդեն դեպի դիմավորողներն էր ընթանում։ Տեսնելով, որ Հյուսիսային Կորեայի առաջնորդը սեղմում է վիետնամցի գործընկերների ձեռքը՝ թարգմանիչը վայրկյանների ընթացքում հաղթահարել է մի քանի մետր տարածությունը և նրա կողքին կանգնել։
Թարգմանչի վազքը հեռուստատեսութամբ են ցուցադրել, իսկ դրվագը Հարավային Կորեայից լրագրողը Twitter-ում է տեղադրել։
«Երբ run for your life արտահայտությունը պետք է բառացի հասկանալ»,-մակագրել է նա տեսագրությունը։
«Իսկ դուք կարծում էիք, թե Կիմի թիկնապահներն ավելի՞ արագաշարժ են»,-կատակել է BBC-ի թղթակից Լաուրա Բիքերը։
