Երուսաղեմի շրջանային դատարանը 11 տարվա ազատազրկման դատապարտեց Իսրայելի Էներգետիկայի և ազգային ենթակառուցվածքների նախկին նախարար Գոնեն Սեգևին, որն իրեն մեղավոր է ճանաչել լրտեսության մեջ: Այդ մասին փետրվարի 26-ին հայտնել է Jerusalem Post իսրայելական հրատարակությունը:
«Մեղադրանքը, որը Սեգևն ընդունել է մեղքը ճանաչելու շուրջ գործարքի շրջանակներում, ներառում էր ծանր հանցագործություններ՝ կապված լրտեսության և թշնամուն տեղեկատվություն տրամադրելու հետ՝ ազգային անվտանգությանը վնաս հասցնելու մտադրությամբ»,- թերթը մեջբերել է Իսրայելի դատախազության ներկայացուցչի խոսքը:
Նախկին նախարարը, որն արդեն բանտային պատիժ է կրել թմրանյութերի մաքսանենգության, կեղծումների և խարդախության համար, արտահանձնվել էր Հասարակածային Գվինեայից, որտեղ նա ապրում էր վերջին տարիներին, և մայիսին ձերբակալվել «պատերազմական ժամանակաշրջանում հակառակորդին օգնություն ցուցաբերելու, Իսրայել պետության դեմ լրտեսության և հակառակորդին հետախուզական տվյալներ տրամադրելու կասկածանքով»: Սեգևը Իսրայելի Էներգետիկայի նախարարի պաշտոնն զբաղեցրել է 1995-1996 թվականներին, հաղորդել է «Ինտերֆաքս»-ը:
