«Առաջին լրատվական»-ի «Մամուլի հետ սուրճ» հաղորդման այսօրվա հյուրն է «Իմ քայլը» դաշինքի պատգամավոր Լուսինե Բադալյանը:
Անդրադառնալով Ֆորշի հայտնի հարցազրույցին և հնչած քննադատություններին՝ ուղղված և՛ լրագրողին՝ երգչից անսթափ վիճակում հարցազրույց վերցնելու համար, և՛ Ֆորշին՝ այդ վիճակում հարցազրույց տալու համար, և՛ իշխանություններին, թե՝ Ֆորշը ճիշտ է ասում, մեր զրուցակիցն ասաց. «Ես հույսս չեմ կորցնում, որ քննադատություն-քննարկումների մակարդակը կբարձրանա. մենք մոռանում ենք, որ այդ մեկնաբանությունները կարդում են նաև այդ մարդու երեխաները, ծնողները, հարազատները: Այս ամբողջ կոնտեքստում երբ նայում ես, հասկանում ես, որ ողբերգությանը հավասար մի բան է կատարվում. դա տրավմա է, որը տանում են քո երեխաները, քո հարազատները, և դու ունենում ես մեղավորության զգացում, որ դա եղել է քո պատճառով»:
Լուսինե Բադալյանի խոսքով՝ իրավիճակ է փոխվել նաև մշակութային գործիչների ազատականության հետ կապված. «Նախկին իշխանությունները արվեստագետներին տալով որոշակի հնարավորություններ, դրանով իսկ ակնարկել են՝ պիտի ընտրեք՝ կա՛մ մոտ կանգնել և մեզ գովել, կա՛մ մեզ քննադատել և չունենալ հավասար պայմաններ»:
«Արվեստագետը, այն էլ Ֆորշի նման արվեստագետը, եթե քննադատել է, նույնիսկ վիրավորել է՝ դա նրա կարծիքն է, անկախ ամեն ինչից՝ պետք է ընդունել, որ Ֆորշը մտազուգորդվում է Երևան քաղաքի հետ: Նա, այո՛, ունի իրավունք քննադատելու, եթե նույնիսկ սխալ է քննադատում»,- ասաց պատգամավորը՝ հավելելով, որ մյուս մշակութային գործիչները ևս պետք է ունենան իրենց արդարացի կարծիքը, և դրանից չպետք է վիրավորվել:
Հարցազրույցն ամբողջությամբ՝ տեսանյութում:
