ՀԱՊԿ-ը 2019-ին հնարավոր է մնա առանց լիարժեք գլխավոր քարտուղարի: Բելառուսի Անվտանգության խորհրդի ղեկավար Ստանիսլավ Զասի նշանակումն այս պաշտոնում հետաձգվում է Հայաստանի վարչապետ Նիկոլ Փաշինյանի անզիջում դիրքորոշման պատճառով:
ՀԱՊԿ-ում համակերպվել են այն մտքի հետ, որ Հայաստանի դիրքորոշման պատճառով կազմակերպությունում ևս մեկ տարի լիարժեք գլխավոր քարտուղար չի լինի և այդ պարտականությունները կշարունակի կատարել ՌԴ ներկայացուցիչ Վալերի Սեմերիկովը, գրում է «Коммерсант»-ը:
«Ենթադրվում է, որ մինչև 2020-ի սկիզբ, ՀԱՊԿ-ը կղեկավարի գլխավոր քարտուղարի պաշտոնակատարը»,- ասել է ՌԴ արտգործնախարարության պարբերականի աղբյուրը:
«Նշանակումն ակնկալում ենք հաջորդ տարի: Կազմակերպությունում կոլապս և հոգեբանական անկայունություն չկա, այն աշխատում է օրակարգին համապատասխան», նման տրամադրվածությունը հաստատել է ՀԱՊԿ-ին մոտ գտնվող «Коммерсант»-ի զրուցակիցը:
