Nike ընկերությունը փետրվարի 17-ին թողարկել է 350 դոլար արժողությամբ Adapt BB ինքնակոճկվող սպորտային կոշիկները: Սակայն վերջին թարմացումից հետո դրանք դադարել են Android հիմքով հեռախոսների հետ սինխրոն գործել և այժմ կոշիկները հնարավոր չէ կրել, հաղորդում է Business Insider-ը:
Նոր Adapt BB «խելացի» սպորտային կոշիկները պետք է ինքնակոճկվեին, հարմարվեին դրանք կրողի ոտքին և վերահսկեին նրա ֆիզիկական ակտիվությունը: Դրանք կառավարվում էին բջջային հավելվածի միջոցով կամ կոշիկի ներքևի հատվածում տեղադրված երկու կոճակների օգնությամբ: Դրանք կոճկելու այլ տարբերակ չկա: Առաջին խմբաքանակը վաճառվել է մի քանի ժամվա ընթացքում:
Սակայն ընդամենը մի քանի օր անց, «խելացի» սպորտային կոշիկների սեփականատերերը սկսել են բողոքել, որ իրենց Android հիմքով գաջեթների հետ կոշիկների սինխրոն կապը խափանվել է, այն դեպքում, երբ iOS-ով աշխատող սարքերի հետ նման խնդիր չի առաջացել:
350 դոլարանոց կոշիկները անպիտան են դարձել կրելու համար: Այժմ սպորտային կոշիկները, որոնք այնքան էլ «խելացի չէին» հանվել են վաճառքից: Իսկ ընկերությունն աշխատում է խնդրիը վերացնելու ուղղությամբ:
