Աշխարհի ամենատխուր տեսարժան վայրերը

Ամենավիճահարույց վարկանիշային աղյուսակը հրապարակել է ավստրալցի ճանապարհորդ և գրող Բեն Գրաունդվոթերը՝ տեղեկացնում է Traveller.com-ը։

Օդայբա կղզին Տոկիոյում

Հեղինակը պնդում է, որ կղզին լի է ամերիկյան խանութներով և ոչ համեղ ուտելիքներ ունեցող ռեստորաններով։

Գլոկենշպիլը Մյունխենում

Ըստ Գրաունդվոթերի՝ տխուր է դիտելը, թե ինչպես են մի քանի քանդակներ անընդհատ պտտվում միևնույն երաժշտության հնչյունների ներքո։

Բունդ Շանհայում թունելը

Թեպետ գետի տակով անցնող այս թունելը կառուցված է հատուկ զբոսաշրջիկների համար, բայց այն չափազանց հոգնեցնող է։

Մադամ Տյուսոյի թանգարանն Ամստերդամում

Ըստ ճանապարհորդի՝ զարմանք է առաջացնում այն փաստը, որ մարդիկ ժամանակ են ծախսում՝ դիտելու համար մոմե քանդակները՝ հեքիաթային Ամստերդամում զբոսնելու փոխարեն։

Հոնկոնգի «կրակների սիմֆոնիա» շոուն

Այն պարզապես անհրապույր ցուցադրություն է՝ ըստ հեղինակի։