Շվեդիայի քաղաքացիների և բժշկական հաստատությունների միջև շուրջ 2,7 միլիոն անհատական խոսակցություններ են հայտնվել համացանցի բաց հասանելիության դաշտում՝ հաղորդում է Computer Sweden-ը:
Նշվում է, որ շատ դեպքերում հիվանդները զանգահարում են, որպեսզի ճշտեն ընդունելության ժամերը՝ միաժամանակ նշելով սոցիալական ապահովության համարը և այլ անձնական տվյալներ:
Լրատվամիջոցը հաղորդում է, որ ընդհանուր հաշվով շուրջ 170հազար ժամ անձնական խոսակցությունների ձայնագրություններ են հայտնվել համացանցում։
Թերթի տվյալներով՝ միջադեպի մասնակիցը Թաիլանդում գտնվող Medicall ընկերություն է: Իշխանություններից կամ ընկերությունից պաշտոնական որևէ պարզաբանում դեռևս չի տրվել։
