Շոտլանդուհին կտրուկ մի քանի կիլոգրամ քաշ է գցել ենթաստամոքսային գեղձի քաղցկեղի պատճառով՝ դա վերագրելով արդյունավետ դիետային, հաղորդում է Daily Mail-ը։
Իսթ Քիլբրայդ քաղաքի բնակչուհի Լիզ Օքլին սկսել է հատուկ սննդակարգի հետևել 2017-ի հոկտեմբերից։ Հունվարին 65-ամյա կինը նիհարել է 12 կգ-ով։ Սակայն շոտլանդուհին սկսել է բողոքել ստամոքսի, մեջքի և որովայնի ցավերից, սրտախառնուք է զգացել, ինչը նկատելով՝ նրա դուստրը խորհուրդ է տվել բժշկի դիմել։
Բժիշկները երկրորդ կարգի ենթաստամոքսային գեղձի քաղցկեղ են ախտորոշել։
12 օր անց կինը վիրահատվել է։ Բժիշկները հեռացրել են Օքլիի ենթաստամոքսային գեղձը, տասներկումատնյա աղիքը, լեղապարկն ու լեղածորանը։ Կես տարի քիմիաթերապիա անցնելուց հետո նա իրեն լավ է զգում։
