Կինոռեժիսոր Ջեյմս Քեմերոնը քննադատել է Aquaman ֆիլմը՝ ստորջրյա Ատլանտիդայի մի գերհերոսի մասին: Նա նշեց, որ գլխավոր հերոսը սխալ է լողում՝ առանց ոտքերը շարժելու, իսկ ֆիզիկայի օրենքները ֆիլմում անտեսվում են: Այս մասին հաղորդում է Entertainment-ը:
Ռեժիսորն ասաց, որ ջրի տակ շատ ժամեր է անցկացրել, իսկ այս տեսակի ֆիլմում անհրաժեշտ է, որ ամեն ինչ ճշմարտացի լինի: «Չնայած կարող եմ հաճույքով դիտել այս ժապավենը, բայց դա ինձ չի հուզում, քանի որ այն անհեթեթ է թվում»,- ասել է Քեմերոնը:
Նա արդեն խոստացել է, որ իր «Ավատար»-ում նման բացթողումներ չեն լինի: Եվ ստորջրյա տեսարանները կլինեն ինչպես հարկ է։