Baring Vostok հիմնադրամի նախագահ Մայքլ Քալվին, որին կասկածում են «Արևելյան» բանկից 2․5 մլրդ ռուբլի հափշտակելու մեջ, բանկիր Արտյոմ Ավետիսյանին մեղադրել է «Յունիաստրում» բանկից միջոցներ դուրս բերելու մեջ՝ մինչև «Արևելյան»-ի հետ ձուլվելը։
«Լոնդոնի դատարանում մեր վեճի առարկան այն է, որ «Յունիաստրում» բանկի՝ «Արևելյան» բանկի հետ ձուլվելուց առաջ Արտյոմ Ավետիսյանն իր վերահսկողության ներքո գտնվող բանկից կեղծ գործարքների տեսքով զգալի գումարներ է դուրս բերել․ նրանք սնկի ֆիրմա, պահածոների գործարան են գնել և այլն»,-Մոսկվայի Բասմանի դատարանում ասել է Քալվին։
Նա հավելել է, որ այդ գործարքները Լոնդոնի արբիտրաժային դատարան դիմելու պատճառ են դարձել։
2017-ին «Արևելյան» բանկը միաձուլվել է Արտյոմ Ավետիսյանի «Յունիաստրում» բանկին։ Դրանից հետո Baring Vostok-ը Evison Holdings Limited-ի միջոցով դարձել է «Արևելք»-ի 51․6 տոկոս բաժնետոմսերի բաժնետերը, իսկ Ավետիսյանը՝ 32 տոկոսի։
