10 օր առաջ Դանիայի զբոսայգուց Լոնդոն բերվեց Ազիմ անունով մի վագր, որը, հույս ունեին, կդառնա Մելաթի անունով վագրի զուգընկերը։ Վագրին մի քանի օր պահում էին առանձին բացօթյա վանդակում, որ հարմարվի նոր միջավայրին, հետո վագրերին ներկայացրին միմյանց, հաղորդում է BBC- ն: Նրանց միջև գրեթե անմիջապես կոնֆլիկտ է ծագել, երկուսն էլ չափազանց ագրեսիվ վարք են ցուցաբերել։ Արդյունքում Մելաթին շատ վերքեր է ստացել: Կենդանաբանական այգու հայտարարության մեջ ասվում է, որ Ազիմին անմիջապես տեղափոխել են առանձին վանդակ: 10-ամյա վագրը, չնայած անասնաբույժների ջանքերին, չի փրկվել: «Մեր ջանքերն այժմ կենտրոնացած են Ազիմի մասին հոգ տանելու վրա, – ասել է կենդանաբանական այգին:
– Կենդանաբանական այգու բոլոր աշխատակիցները շատ վշտացած են»: 7-ամյա Ազիմը տեղափոխվել էր Լոնդոնի կենդանաբանական այգի վագրերի վտանգված տեսակների պահպանման համաեվրոպական ծրագրի շրջանակներում:
