ԱՄՆ նախագահ Դոնալդ Թրամփի հայտարարությունները հաճախ նախորդում են քաղաքական որոշումներին, իսկ օտարերկրյա ղեկավարները հաճախ առաջինը տեսնում են նրա գրառումները Twitter-ում, նշում է ամերիկյան CNN հեռուստաալիքը:
Թրամփի խոսքերի թողած ազդեցությունը պետք է նրան ստիպի խոսելուց առաջ մտածել, հավելել է CNN-ը: Սակայն, փետրվարի 5-ի «Երկրի վիճակի մասին» նրա ելույթը հակառակն է ապացուցել, հատկապես արտաքին քաղաքականության հարցերի քննարկման ժամանակ:
Հստակ ռազմավարություն ներկայացնելու փոխարեն, Թրամփը ուշադրություն է դարձրել արտաքին ճգնաժամերի վրա և նկարագրել ԱՄՆ «երկակի ստանդարտները» տարբեր երկրների հետ փոխգործակցության ընթացքում: Ինչպես նշել է ալիքը, սա ցույց է տալիս արտաքին քաղաքականության հարցերի հետևողական, վերլուծական մոտեցման բացակայությունը, որոնք մեծ նշանակություն ունեն ԱՄՆ ազգային անվտանգության համար:
Եթե Թրամփը ցանկանում է ձեռք բերել ամերիկացի ժողովրդի վստահությունը և վաստակել արտասահմանցի առաջնորդների վստահությունը, նա պետք է լրջորեն մտածի իր հրամանների հետևանքների մասին: Ինչպես նաև ԱՄՆ նախագահին անհրաժեշտ է ճգնաժամերից խոսելուց առաջ մտածել, քանի որ դրանք համապատասխանում են քաղաքական և ոչ ազգային օրակարգին:
Թրամփին անհրաժեշտ է հետևողական շփումներ սկսել՝ համաշխարհային առաջնորդների վարքագծի վրա արդյունավետ ազդելու համար, որոնց օգնության և աջակցության վրա հույս է դնում ԱՄՆ-ը:
