«Իսլամական պետություն» ահաբեկչական խմբավորումը դուրս կշպրտվի իրենց կողմից վերահսկվող տարածքներից մինչև ամերիկյան զորքերի Սիրիայից դուրսբերումը: Այս մասին հայտարարել է ԱՄՆ զինված ուժերի գլխավոր հրամանատարության ղեկավար, գեներալ Ջոզեֆ Վոթելը ԱՄՆ Սենատում կայացած լսումների ժամանակ, հաղորդում է Reuters-ը:
Նա զգուշացրել է, որ ԱՄՆ զորքերի դուրսբերումից հետո ահաբեկիչները դեռ լուրջ սպառնալիք կհանդիսանան: Նրա խոսքերով, Սիրիայի տարածքում դեռևս կմնան զինյալների առաջնորդները, զինյալները, նրանց համակիրները և ռեսուրսները: «Մենք պետք է ճնշում գործադրենք այս ցանցի վրա: Եթե մենք չենք դա չանենք, ապա նրանք հնարավորություն կունենան միավորվելու»,- ասել է Վոթելը:
Գեներալը հավելել է, որ ներկայումս Սիրիայում ԻՊ-ի կողմից վերահսկվող տարածքները մոտավորապես 50 քառակուսի կիլոմետր են: