Փետրվարի 11-ին Ջենիֆեր Էնիսթոնը դարձավ 45 տարեկան: Այդ առթիվ spletnik.ru-ն ներկայացնում է կինոյում նրա լավագույն դերերը, որոնց համար նա բարձր հոնորարներ, մրցանակներ է ստացել:
Ջենիֆերին իրական ճանաչում է բերել «Ընկերներ» սերիալում Ռեյչել Գրինի դերը: Այդ ֆիլմի համար նա խոշոր մրցանակներ է ստացել, այդ թվում՝ «Էմմի» և «Ոսկե գլոբուս»: 
«Ընկերներ»-ի հետ զուգահեռ` Ջենը ժամանակ է գտել նաև այլ ծրագրի մասնակցելու համար: 1997 թ. դերասանուհին նկարահանվել է «Կատարելության դիմանկարը» ֆիլմում, որում աշխատելու հոնորարը վեցանիշ թիվ էր կազմում: 2001 թ. նա խաղացել է «Լավ աղջիկ» դրամայում, որը ցուցադրել են Sundance անկախ կինոփառատոնի շրջանակներում:
Նույն 2001 թ. թողարկվել է Ջենիֆերի մասնակցությամբ «Ռոք-աստղ» ֆիլմը: Նրա հերոսուհին նորահայտ աստղի ընկերուհին և միաժամանակ մենեջերն է: 
2004 թ. վարձույթում հայտնվել է «Ահա և Փոլին» ֆիլմը, որում Ջենիֆերը մարմնավորել է անհոգ և հաճելի աղջկա, ով ներխուժում է իր նոր ծանոթի կյանք, այն քաոսի վերածում և իհարկե նրան սեր պարգևում: 
2005 թ. Էնիսթոնը խաղացել է «Դավաճանության գինը» ֆիլմում: Հանդիսատեսն ու քննադատները ֆիլմը միանշանակ չեն ընդունել: Սակայն դերասանուհու համար այն հետաքրքիր փորձ է դարձել: 
2005 թ. հետո Ջենը որոշել է կենտրոնանալ այն ֆիլմերի վրա, որոնք նրա մոտ ամենից լավն են ստացվում, այսինքն՝ թեթև կատակերգական դերերի վրա: 2006 թ. վարձույթում է հայտնվել «Ամուսնալուծություն ամերիկյան ձևով» ֆիլմը: Ընդ որում, ֆիլմի նկարահանումներից հետո դերասանուհին որոշ ժամանակ հանդիպել է իր գործընկերոջ՝ Վինս Վոնի հետ, ում հետ ֆիլմում ամուսնալուծված զույգի դեր էին խաղում: 
Այս ֆիլմի հետ Ջենիֆերի աշխատավարձը մեկ ֆիլմի համար ութ միլիոն դոլար հաստատվեց, և այս չափը պահպանվեց մի քանի տարի: 
2008 թ. էկրաններին ցուցադրվեց «Մառլին և ես» կատակերգությունը, որը հանդիսատեսի շրջանում մեծ հաջողություն գտավ: 2010 թ. վարձույթում հայտնվել է «Գլուխների որսորդը» ֆիլմը, որը առևտրային տեսանկյունից բավականին հաջողված էր: 
2011 թ. Էնիսթոնը նկարահանվել է «Իմ կինը ձևացիր» ֆիլմում, իսկ նրա հոնորարն առաջին անգամ հասել է 10 միլիոն դոլարի: 
Դերասանուհու վերջին աշխատանքներից մեկում՝ «Մենք՝ Միլլերներս» ֆիլմում Ջենիֆերը խաղում է մերկապարուհու դերը, ով համաձայնում է օգնել գլխավոր հերոսին մեծ քանակով թմրանյութեր փոխադրել: Ֆիլմը անցած տարվա ամենահաջողակ կատակերգություններից է դարձել: 
Ջենիֆեր Էնիսթոնը շարունակում է ակտիվ աշխատել: Նրա անձնական կյանքը նույնպես կանգնած չէ. նա պատրաստվում է ամուսնանալ Ջասթին Թերուի հետ և խոստովանել է, որ իրեն թարմացած և երիտասարդացած է զգում:
