Վարչապետ Տիգրան Սարգսյանը երեկ երեկոյան իր անձնական բլոգում պարզաբանումվերով է հանդես եկել«168 ժամ» թերթին տված իրհարցազրույցի վերաբերյալ: Հիշեցնենք, որ վերջինիս մի հատվածը բուռն քննարկումների և քննադատությանտեղիք էր տվել:
«Իմ որոշ ընդդիմախոսներ և լրատվության միջոցներ ինձ արդեն մեղադրում են իշխանություն պահելու համար Հայաստանը դատարկելու մեջ: Ես սովորություն չունեմ մեկնաբանել անհեթեթություններն ու այդ մտավարժանքներին չեմ անդրադառնա: Ստորև ներկայացնում եմ հարցազրույցի այդ հատվածի սղագրությունը, ինչպես նաև ձայնագրությունը՝ բոլոր տեսակի շահարկումներին վերջ դնելու համար»:
Հարց -Պարոն Սարգսյան, կրիտիկական զանգված միգուցե այս առումով չկա, որ շատ դժգոհ են, բայց էդ կրտիկական մասսան ավելի շատ արտագաղթում է, քան թե դուրս է գալիս ինչ-որ բան պահանջելու: Հրապարակ դուրս չենք գալիս, մենք փախչում ենք մեր պրոբլեմներից, որովհետև մտածում ենք, որ այստեղ չենք կարող լուծել:
Պատասխան -Եվ, հարցն ինչու՞մն է
Հարց -Եվ վիճակն իսկապես…
Պատասխան -Ամեն ինչ անե՞նք, որպեսզի մարդիկ չփախնեն, որ մնան ու իրականացնեն հեղափոխությու՞ն (կատակով ծիծաղում են): Բայց ինչպես անենք, որ մարդիկ մնան Հայաստանի Հանրապետությունում: Պետք է մենք այնպես անենք, որ կյանքը Հայաստանում լինի ավելի լավ, քան արտերկրում, եթե դու սկսում ես Հայաստանում կյանքը բարելավել, կրիտիկական զանգվածը նվազում է , ավելանում է զանգվածը, որ աջակցում է իշխանություններին, և դա իշխանությունների հաջողությունն է: Իսկ եթե իշխանությունները ունենում են անհաջողություն, ժողովուրդը ավելի հակված է իր ձայները տալ ընդդիմությանը: Ոչ մի իշխանություն, հավատացեք ինձ, այդպիսի ցանկություն չունի, այնպես աշխատել, որ իր հեղինակությունը լինի ավելի ցածր, քան ընդդիմությանը:
Իմ կողմից հավելեմ, որ արտագաղթի խնդիրը մեզ մտահոգող կարևորագույն հարցերից մեկն է, որի վերաբերյալ իմ դիրքորոշումը մի քանի անգամ հնարավորություն եմ ունեցել հրապարակայնորեն հնչեցնել: Իմ կարծիքն այն է, որ ի թիվ այլ օբյեկտիվ ու սուբյեկտիվ գործոնների, կառավարության անելիքը մեր քաղաքացիների համար կյանքի ավելի լավ պայմաններ ու հնարավորություններ ստեղծելն է, ինչը կնպաստի արտագաղթի տեմպերի նվազմանը` ինչն էլ ի նկատի եմ ունեցել հարցազրույցում: