Վլադիմիր Պուտինը դեմ չէ հանդիպել Վրաստանի նախագահ Գեորգի Մարգվելաշվիլու հետ, հաղորդում է Интерфакс-ը:
«Եթե նա ցանկանա, ինչու ոչ»,- Սոչիի մեդիակենտրոններից մեկում Օլիմպիադայի կազմակերպման և անցկացման հանրային խորհրդի ներկայացուցիչների հետ հանդիպմանը, պատասխանելով վրացի լրագրողի հարցին, ասել է Պուտինը:
Դրանից բացի, Պուտինը հայտարարել է, որ շատ ուրախ է Օլիմպիադային վրացի մարզիկների ժամանման առթիվ, ինչպես նաև հաղորդել է, որ Թբիլիսի-Սոչի ավիաչվերթները կպահպանվեն նաև խաղերի ավարտից հետո:
Ավելի վաղ Օլիմպիադայի շրջանակներում Պուտինի և Մարգվելաշվիլու հնարավոր հանդիպման մասին խոսել էր Ռուսաստանի նախագահի մամլո քարտուղար Դմիտրի Պեսկովը:
Իրենց հերթին Վրաստանի ԱԳ նախարարությունում հայտարարել էին, որ վրացական իշխանությունների պատվիրակությունը չի պատրաստվում այցելել Սոչիի Օլիմպիադային:
