ԵԱՀԿ Մինսկի խմբի համանախագահներ Ժակ Ֆորը (Ֆրանսիա), Ջեյմս Ուորլիքը (ԱՄՆ), Իգոր Պոպովը (Ռուսաստան), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը առաջիկա շաբաթներին կշարունակեն խորհրդակցությունները Լեռնային Ղարաբաղի հակամարտության հարցով՝ բարձրագույն մակարդակով հանդիպման նախապատրաստման շրջանակներում: Այս մասին ասվում է կազմակերպության կայքում:
Հիշեցնենք, որ համանախագահները փետրվարի 4-6-ին այցելել են տարածաշրջան:
Փետրվարի 5-ին Երևանում ԵԱՀԿ ՄԽ համանախագահներ Իգոր Պոպովը, Ժակ Ֆորը, Ջեյմս Ուորլիքը և ԵԱՀԿ գործող նախագահի անձնական ներկայացուցիչ Անջեյ Կասպրշիկը հանդիպել են ՀՀ նախագահ Սերժ Սարգսյանի, արտգործնախարար Էդվարդ Նալբանդյանի և պաշտպանության նախարար Սեյրան Օհանյանի հետ:
Լուսանկարը՝ Photolure-ի