Ճապոնիայի Sony կորպորացիան մտադիր է նոր գործառույթներով օժտել իր Aibo արհեստական ինտելեկտի տարրերով էլեկտրոնային շնիկ-ռոբոտին: Ենթադրվում է դրան սովորեցնել ճանաչելու մինչև 10 մարդու դեմք և անուն, ինչպես նաև հսկել տան կամ հողամասի տարածքը: Շնիկի ծրագրային ապահովման համապատասխան անվճար նորացումը կարելի կլինի ստանալ արդեն փետրվարի կեսերին: Այդ մասին հայտնել Է The Japan Times թերթը:
Նոր գործառույթն Aibo-ին թույլ կտա, օրինակ, հետևել տանը մնացած երեխաներին կամ տարեց մարդկանց, այն նաև կկարողանա համացանցով համապատասխան տեղեկացումներ ուղարկել իր տիրոջը: Ծրագրային լրացումը համատեղ մշակվել է Sony-ի և Ճապոնիայի Secom պահպանության խոշոր ընկերության մասնագետների կողմից:
Հունիսին կհայտնվի նաև վճարովի հավելված Aibo-ի ծրագրի համար. այն տիրոջը թույլ կտա հեռավորության վրա շնիկին ուղարկել տան որևիցե մաս և ստուգել, թե այնտեղ ինչ է կատարվում, հաղորդել է ՏԱՍՍ-ը:
