Սիրիայում Թուրքիայի հիմնական նպատակը պայքարն է ԻՊ-ի և ժողովրդական ինքնապաշտպանական ուժերի դեմ, որն, ըստ Անկարայի, կապված է Քրդստանի աշխատավորական կուսակցության հետ: Այս մասին հայտարարել է Թուրքիայի նախագահ Ռեջեփ Թայիփ Էրդողանը չորեքշաբթի օրը ռուս-թուրքական բանակցությունների արդյունքների թեմայով կայացած մամուլի ասուլիսում:
«Մեր հիմնական նպատակն է Սիրիան ԻՊ-ից և ՔԱԿ-ից մաքրելը, դա մեր պարտքն է: Այս տեղեկությունը ես փոխանցեցի ռուսական կողմին: Մենք կուժեղացնենք մեր ուժերի համակարգումը՝ ահաբեկիչների դեմ պայքարում»,- ասել է Թուրքիայի նախագահը:
Էրդողանը նաև նշել է, որ Անկարան տեղյակ է, որ «որոշ ահաբակչական կազմակերպություններ փորձում են խաթարել Ռուսաստանի և Թուրքիայի համագործակցությունը»: Նախագահի խոսքերով, երկու երկրներին «անհրաժեշտ է ակտիվացնել այդ խմբավորումների դեմ տարվող պայքարը»:
