Ինչպես փոխանցում է RBC-ն, 1921թ.-ի արտադրության Bentley Chassis No.3-ը կհանվի վաճառքի այս տարվա օգոստոսին Կալիֆոռնիայի Gooding & Company աճուրդային տան կողմից, որը զբաղվում է բացառիկ մեքենաների վաճառքով: Chassis No.3-ը Bentley-ի առաջին մակնիշն է, որ վաճառքի է հանվել: Մեքենան մասնակցել է բազմաթիվ ավտոարշավների և դեռևս պիտանի է շահագործման համար: Սկզբնական շրջանում այն եղել է բաց թափքով:
Փոլ Հագեմանի խոսքերով, որը Gooding ընկերության մասնագետ է, Bentley-ի առաջին մակնիշը փորձնական էր և անհաջող ստացվեց: Այնուամենայնիվ, Chassis No.3 մեքենաներից մեկը վաճառվել է: Յուրահատուկ մեքենան ունեցել է մի քանի տեր, որոնց շարքում են եղել Սթիվ Մակքուինը (ամերիկացի դերասան, ինչպես նաև ավտո և մոտոարշավորդ) և Այվոր Լյուելինը (Դեզմոնդ Լյուելինի հայրը, որը հայտնի է իբրև Ջեյմս Բոնդի դերակատար): Նշենք, որ հենց այս մարդու շնորհիվ էլ մեքենան դարձել է հայտնի:
Երեքլիտրանոց շարժիչով Bentley Chassis No.3-ը 2011թ.օգոստոսին կարող է վաճառվել մոտավորապես 250 հազար դոլարով, որը մեքենայի նախնական գինն է: Նշենք, որ հաշվի առնելով մեքենայիյուրահատկությունը` նրա նախնական գինը զարմանք և տարակուսանք է առաջացնում, եթե համեմատենք, որ 1927թ. Bentley-ն գնահատվել էր 780 հազար դոլար:
