Սաուդյան Արաբիայում շուրջ 150 կանայք թագավորության պատմության մեջ առաջին անգամ զբոսաշրջիկների լիցենզավորված զբոսավար դառնալու հայտ են ներկայացրել: Այս մասին գրում է Saudi Gazette-ն:
Առաջին անգամ սաուդցի կանայք լիցենզիա կկարողանան ստանալ 2019-ի հունվարին, այժմ բոլոր թեկնածուները նախապատրաստություն են անցնում աշխատանքի համար: Նշվում է, որ նրանց նվազագույն տարիքը պետք է լինի 23-ը, ինչպես նաև բոլորը պետք է զբոսաշրջության ոլորտում կրթություն ունենան: Կանայք համալսարանը պետք է ավարտած լինեն 2012-ից ոչ ուշ:
Տվյալ պահին Սաուդյան Արաբիայում զբոսավարների միայն 30 տոկոսն է թագավորության հպատակ:
