Նորվեգացիները տեղակայել են սեփական որմզդեղնին 2014 թվականին: Այդ պահից մրցակցային պայքարը եղջյուրավորների միջև չի դադարում ոչ մի օր և նույնիսկ հասել է միջպետական մակարդակի: Վեճի առարկան արձանների չափն է: Նորվեգական որմզդեղնը, պարզվել է, 30 սմ-ով բարձր է:
Նորվեգական որմզդեղնը պատրաստված է ապակուց և կանգնած է Տրոնհեյմ տանող ճվտոմայրուղու ճամփեզրին: Արձանի հեղինակների մտահղացմամբ՝ ճանապարհորդները պետք է կանգ առնեն որմզդեղնի մոտ՝ նրա հետ լուսանկարվելու համար, ինչպես նաև թարմանան ճանապարհի միօրինակությունից, նաև՝ հետո ճանապարհին չհարվածեն կենդանի որմզդեղններին:
Կանադացիները չեն կարողանում հանդուրժել, որ նորվեգական որմզդեղնը կանգնել է ավելի քան 10 մետր բարձրության վրա, և Կանադայում իսկական խուճապ է սկսվել՝ անցնելով մարտականության:
Մուս Ջոյից տեղի հայտնի բլոգերներ Ջասթինը և Գրեգը հիստերիկ ուղերձ են հղել քաղաքի վարչակազմին՝ խնդրելով որմզդեղնի հարցը հասցնել պետական, իսկ հետո նաև միջազգային մակարդակի: Արդարությունը պետք է վերականգնվի, իսկ որմզդեղնը մեծացված է՝ վստահ են բլոգերները: Նրանք խնդրում են միջոցներ գտնել իրենց որմզդեղնը ևս մեծացնելու համար:
Նորվեգիայում նրանց էմոցիոնալ ելույթներին հանգիստ են վերաբերվել: Նրանք գիտեն, որ իրենց որմզդեղնը ոչ միայն ամենագեղեցիկն է, այլև ամենամեծը աշխարհում:
