Նիկ անունով ամերիկացի երիտասարդը, որ նախկինում մարմնամարզության ուսուցիչ է եղել, համարձակվել է ցատկել զբոսանավի 11-րդ հարկից։
Երբ Ամերիկայի Վանկուվեր քաղաքից Մայամի նավարկող Royal Carribean cruise զբոսանավը կանգառ է ունեցել Բահամյան կղզիների մայրաքաղաք Նասաուի ափերին, Նիկը և նրա ընկերները որոշել են ժամանակ չկորցնել:
Նախորդ օրը Նիկը ընկերների հետ ուրախ ժամանակ է անցկացրել և հարբած վիճակում խոստացել, որ կցատկի բարձրությունից։ Ընկերները նրան օգնել են բարձրանալ բազրիքի վրա, որտեղից էլ Նիկը ցատկել է ջրի մեջ։
https://www.youtube.com/watch?time_continue=2&v=uYApP0PNw5Y
Հետևանքների մասին Նիկը և նրա ընկերները երբեք չէին կռահի։ Երբ տղան իրեն օգնության հասած նավակով ափ է հասել, նրան վերադարձրել են նավ, այնուհետև նրան և ընկերներին մոտեցել են անվտանգության աշխատակիցները և ասել, որ նրանցից ոչ ոք այլևս իրավունք չի ունենա ողջ կյանքում նավարկելու այդ զբոսանավով։
Թեպետ ծովային ճամփորդությունը Նիկի համար անցանկալի ավարտ ունեցավ, սակայն նրա ցատկը պատկերող տեսանյութը համացանցում հիթ դարձավ՝ 188 հազար դիտում արձանագրելով։
